Beebee 4個月...重1.70kgs...vet話佢都係偏瘦....可能係佢平時係屋企太活躍既關係吧....請問各位貓友...我想買魚油俾佢食....有冇咩好介紹...同埋你地有冇咩方法介紹俾我...等我幫佢打好個底呢.....唔該晒

Beebee呢幾日食糧少左...今日清潔貓盤都少左好多屎屎...請問有咩情況底下...貓貓會咁架??....星期日晚我拎左一隻"NOW"既貓糧(FOR KITTEN)sample俾beebee溝糧試(NV+NOW)....佢個晚肯食...但到第2朝就唔食喇....跟住就食量減少....會會同我俾佢試新糧有關??.....c~~37~~

轉糧要逐少逐少轉架. 最好由1:9開始.. 過幾日OK再2:8咁加上去. 呢排啲天氣咁潮濕都會影响貓貓既胃口. 你可以俾多啲濕糧溝俾佢食, 吸引佢食多啲嘢. 魚油都可以俾既. 我自己就有煲漁湯俾貓貓飲, 營養好啲.

我都係溝糧呀....將佢平時食開既NV糧溝dd既"NOW"...不過依家我冇溝架喇....但佢胃口都係麻麻.....我都有煲魚湯過佢架.....不過我見佢屎屎少左咁多...怕佢唔知係咪有咩事c~~58~~ .....

胃口細咗, 大大少咗都會架. 觀察多幾日睇下情況點.

仲有...可能佢瘦啦...覺得佢個肚好似漲漲地咁

引用:

原帖由 BeeBee 於 2010-4-14 12:34 發表
仲有...可能佢瘦啦...覺得佢個肚好似漲漲地咁

除左無胃口，佢有無其他唔舒服呀？肯唔肯玩？佢鍾意o既小食肯唔肯食？

肯玩..肯食小食呀..........

引用:

原帖由 BeeBee 於 2010-4-14 13:06 發表
肯玩..肯食小食呀..........

哦，咁唔駛咁擔心住，有時天氣轉貓地胃口都會唔同架，觀察多幾日先，暫時唔好溝糧住啦．

我想問下你地有矛試過俾三文魚佢食....蒸熟之後就俾佢地食呢??

引用:

原帖由 BeeBee 於 2010-4-15 10:35 發表
我想問下你地有矛試過俾三文魚佢食....蒸熟之後就俾佢地食呢??

無試過，我試過煲紅衫魚湯俾叻心飲咋，叻叻鍾意飲，但心心就麻麻．

三文魚冇呀. 紅衫, 大眼雞就有.

三文魚油份重，如果貓咪腸胃差有機會柯的，所以自家煮的多數用白肉魚多，如大眼雝，牛猛，沙猛等，另外亦可以試下銀魚仔(白飯魚}，原條比佢地食，有很高鈣，鏻同蛋白質，對貓B有益的，但小心貓貓食慣新鮮野反而唔食糧喎！我餵開自製食物加維他命的，所以放兜淨乾會唔食同投訴的，鑵頭都好勉強啊，要小心食雜左貓咀刁。

你地所講既食物...係咪都可以儲肥佢架????

食商業糧係最易肥，其次就天然糧，跟住自家製，就如人一樣，食麥記肯定好易肥，但有冇益又係另一回事，你宜家儘量搵出以後貓貓食物方針方向，增加佢食量同營養，咁佢就會慢慢大隻番啦，急唔黎的！