波子週記 @ 28/2/2012 ~ 我係藥煲貓?? No.


  
我是波子小公主





我日日都好多嘢要食, 有關節補給品、止痛藥、多種維他命、增強抵抗力既草本劑等等。 我哋摺耳貓好容易有骨骼遺傳病、先天免疫力不足, 遇着不幸病發就真係似我咁要與藥物終生為伴喇. 所以我成日都同啲人講, 大家睇吓我波子就知道繁殖摺耳貓既害處喇..

好多朋友都話我好慘, 日日要食咁多藥藥..... 不過呢, 我又唔係咁諗喎, 我與生俱來就帶有遺傳病, 呢個係改變不了的事實, 但係我哋既想法可以改變啊.  就好似媽媽咁講, 呢個可能就係我嚟到呢個世上既使命, 用我既身體去話俾大家知摺耳之害.  而且我亦冇因為我既遺傳病而感到自卑同悲觀架, 媽媽成日都話我係一個樂天知命, 積極開朗既小朋友.  係架, 食咗藥藥我可以開心咁玩, 咁咪食囉.. 媽媽入晒啲藥落膠囊度又唔苦既.. . 而且我又有爸爸, 媽媽, 同埋好多哥哥姐姐錫我, 就我, 日日又有魚湯飲, 我其實好幸福, 好多好處架.  各位小鬥士同小鬥士家長, 你哋都係呀, 要學我波子咁, 保持正能量, 有病都可以活得開心, 活得精彩架.

大家睇下我... 成個小公主咁, 日日都過得開懷.. 大家都要加油啊..


波子是日金句: 眼仔碌碌, 阿媽滿足; 樂天開懷, 病痛就縮.

好感動

c~~64~~