hi,

one of my cats started to have problem while walking

vet said it's scottish fold's bone problem ... he's now 11 and doc gave him the "bone injection" (needs to take every week for 4 weeks) ... i let him take the Synoquin Cat after the 3rd injection last week ... but his problem is still much the same ... sometimes seems a bit bit better ... sometimes even worst ...

would like to seek some advice / experience fr the cat owners who have the same problem here ...

thanks a lot.

醫生講佢既情況係點呀? VET 幫佢打既係骨膠原針, 打完頭4針, 之後應該每個月打一針.. 佢既情況係點你可以說多點嗎? 走路時有咩問題? 一拐拐還是不願走路? 明顯走路少了? 有沒有手腳有增生??

係loh!!!我都想問，我貓貓食左3個weeks的葡萄糖安，一直都好好啦！開始有改善，但琴晚又覺得佢有d腳仔痛，係因為坐太耐無行 (因為屋企裝修，所以日間只可以坐係房，無咩路行。) 還是病情係會大上大落架？

查實食咗SUPPLEMENT 有好轉唔等同佢走路時一定好正常的. 以波子做例子, 佢到現在走路都是拐拐吓的, 食咗SUPPLEMENT 同藥唔代表個病可以根治到.. 只係舒緩病情同埋減輕佢既痛楚.. 最重要係佢走路時既意慾有冇少咗. 若然佢少行咗, 唔願郁.. 成日瞓係度, 冇胃口等.. 咁就好可能係佢痛到唔想郁.. 但相反佢都照行照走的, 只是走路姿勢不太一樣的話, 未必需要太担心.. 骨骼病係真係會影响到佢哋走路既..

我見到佢有時拐下拐下，覺得佢好痛，好辛苦，我個心好赤赤痛！佢比以前未病發時少左行，但現在都會行下，都會玩，都會食！

原來仍然有少少拐下就要心足？？我以為可以一d都唔痛，行得好好！心痛死啦！

佢哋有呢個病真係好多時冇辦法可以回復到病發前咁, 因為始終佢啲軟骨骨質化咗, 就好似骨刺咁, 所以一定同佢冇事之前會有分別.. .. 所以我們一直鼓吹唔好繁殖同購買摺耳, 就係因為呢啲遺傳病真係會跟足佢哋一世亦冇得根治.. 我們可以幫到佢哋既就盡量在照顧上做好點. 雖然佢哋走路唔好睇啫, 但照顧得佢好, 佢哋都會活得開心既. 就好似波子咁, 所以大家都要保持正能量, 唔好放棄..

今日係另一個post見到有人話$500領養摺耳貓，我都留言，求d人唔好繁殖摺耳，見到自己同貓貓要受苦，真係好明白果種迫切牲。

求繁殖D人無用架,佢地為搵錢乜都做得出c~~32~~

我地只有教育D人唔好買摺耳貓, 無需求就無供應架啦!

食supplement其實無咁快見效架, 每隻貓體質唔同, 可能快見效, 可能慢, 亦有可能無效要換第二隻, 真係要有心理準備同耐性去等同觀察, 如果食咗supplement兩個月都無改善就要考慮換葯或者加其他supplement。有依個病真係長期作戰, 如果貓地痛得犀利, 咁就要問醫生考慮食止痛葯喇

其實單單靠我觀察佢行路情況，能完全反映佢對藥的反應嗎？還是要比e生摸骨 or 照X ray？？

佢已經好少一拐一拐啦，但有時又會有d痛，唔至到痛到吊手，唔行 or跌落地。應該唔至到痛到要食止痛藥。

At least想買貓的人，見到我留言，繁殖D人，盤生意做唔成，希望d人真係唔好用動物黎賺錢啦！

引用:

原帖由 悅同 於 2011-5-18 11:24 發表
其實單單靠我觀察佢行路情況，能完全反映佢對藥的反應嗎？還是要比e生摸骨 or 照X ray？？

佢已經好少一拐一拐啦，但有時又會有d痛，唔至到痛到吊手，唔行 or跌落地。應該唔至到痛到要食止痛藥。

其實你見佢少咗拐咗咁即係啲SUPPLEMENT 有效, 咁當然都唔會完全止得晒. 因為仲有好多外在因素會影响佢哋既病情, 就好似人有風濕痛咁, 返風落雨會痛咁囉. 天氣唔好佢哋啲關節係會差啲架. 同埋呢佢哋瞓醒時頭幾步係行得差啲, 行順咗呢就好啲既.

係呀！坐得太耐，頭幾步行得好痛架！我隻貓仲係bb，已經好似老人家咁！陰公！

之前日日開風扇比佢，一黎裝修有味，二黎怕佢熱，之後好似有d鼻水，立刻唔敢開黎直吹住佢。怕佢傷風。到底係我太緊張，定係真係唔係幾好？因為你地話摺耳好易有貓感冒。

引用:

原帖由 悅同 於 2011-5-18 13:06 發表
係呀！坐得太耐，頭幾步行得好痛架！我隻貓仲係bb，已經好似老人家咁！陰公！

之前日日開風扇比佢，一黎裝修有味，二黎怕佢熱，之後好似有d鼻水，立刻唔敢開黎直吹住佢。怕佢傷風。到底係我太緊張，定係真係唔係幾 ...

唔好吹用風扇吹佢呀, 佢哋天生抵抗力弱, 特別有遺傳病既小朋友, 很容易傷風流鼻水架. 你開風扇最好向上吹, 慢風, 唔好直接吹到佢哋, 就算你開冷氣都最好KEEP 住22-25度內, 因為佢哋好易凍親架.

咁沖涼會唔會凍親？我打算等天熱d同佢沖個暖水涼。

我果日見到有d鼻水之後，立刻無再開風扇，佢已經無再流鼻水啦！真係要小心d處理。佢上年冬天都無病過，無流過鼻水架！我諗果日吹得太正啦！風扇係正佢訓覺張大班椅頭頂。