請問有咩方法可以令beebee唔食呀...佢以為係食物....又唔肯去廁所....點算呀???

係轉用新砂呀? 不如你轉第二啲貓砂啦. 真係好難控佢哋唔食架噃.

我今日會出去買返佢之前用開個隻架喇....多口用句丫 .……你地又用開邊隻貓砂呢？……最吸尿尿同僻味又係邊隻呢？

我想問下你係咪一次過換晒全盤舊砂呵? 我換新砂(牌子or質地)r時係先將新砂置底再鋪番舊砂(係砂兜用緊的砂)係面, 等佢地慢慢接受新砂個味就唔會吃的了. 之後果次就可以整盤換晒新砂.
我之前用青蘋果味豆腐砂, 後來用無味的豆腐砂, 依家用通心豆腐砂. 最吸味係第1只因為它有蘋果味, 我唔知係咪心理作用, 貓尿尿後我居然聞到豆香味.. 第2只的就一般. 依家用緊既通心豆腐砂都ok. 總括來講都好吸水及吸味. 因為前兩只加價加到飛起, 先換通心砂, 暫時我覺得通心砂最"come"用.
老實講, 前個兩只係好d, 因為砂身大粒d又重d, 貓咪上完廁所唔會帶砂出來的... 通心豆腐砂輕身又細粒d, 好多時都帶左砂出來. 我就要成日清潔下囉...

我就用開BLUNO紙砂.

我都係用豆腐砂, 分別兩個品牌, 其中一個品牌有隻貓會食, 但只係食少少, 有時佢去完廁所出來帶左幾粒出來, 佢就會食果一兩粒, 但另一品牌既豆腐砂就有貓食。所以你可以試下其他品牌既豆腐砂。通心粉之前都用過, 但我不太喜歡它好碎, 成個底都係粉！