真係非常擔心, 我的摺耳貓(朱仔)最近走路一拐一拐, 見到佢應該係前右手有問題, 但其他都OK, 除左腸胃唔係咁好(已經食緊Royal Canin-Sensitivity Control,佢好好胃口架 ) , 昨日帶左佢去睇Dr. Betty (上網睇過Dr. Betty 有醫骨骼遺傳病o既經驗), Dr. Betty 話佢有可能係扭親或者都係骨骼遺傳, 要食兩星期止痛藥(METACAM), 食完後觀察多幾日如果都係一樣就好可能係骨骼遺傳病,同埋要照X-RAY. 現在我擔心既係佢食呢隻藥係咪唔好呢?(睇到大家在討論呢隻藥係會傷肝腎既), 我應該係咪要停止俾佢食呢, 再睇另一間vet? 另外想買大家訂購既supplement 俾佢食, 但團購又未開始, 我可以係邊度買呢? Thanks!! [ 本帖最後由 VIVI0088 於 2010-7-27 18:50 編輯 ]

METACAM係對肝腎會有副作用, 但若貓貓年輕同埋份量控制得好都OK既. 當然呢方面要同VET 商量, 2個星期既藥份係冇大問題既. 至於SUPPLEMENT 方面, 我哋暫時有隻青口素有得係特賣場度賣, 都啱FOR 骨骼遺傳問題, 但我諗你都係CHECK 清楚朱仔係扭親定係真係有遺傳病問題先啦. 若然只係扭親真係唔需要俾SUPPLEMENT住呢。　

唔該哂! 希望朱仔只係扭親啦.