上篇提到, 波子既病情又差番, 再次反覆. 今次做完針灸後, 呢幾日明顯好番好多, 活潑番, 尋晚仲四處逛, 走埋我度叫我, 扭媽媽抱抱.. 見到佢咁, 我真係由個心笑出來, 佢真係好叻女, 佢雖然身型細細, 但鬥志好頑強, 今朝一見我要餵藥時, 仲會拔足狂跑, 快到我追佢唔到, 要爸爸幫手, 我同佢左右圍捕先捉到波子餵藥, 見佢生猛番真係好開心.. 當然除了波子既堅持, DR GRACE既治療亦幫到波子唔少, 在此亦要多謝佢對波子既悉心既診治..

 

食完mum要扭我抱抱...

 

 

呢個女好易滿足, 摸頭仔就已經好滿足...

 

波子妹, 你係一個頑強的鬥士, 媽媽為你感到驕傲... 你要KEEP住呢份力量, 繼續打併, 媽媽一定陪你撐落去..   

ps... 係度亦要多謝各位關心我們的Blog友, 感謝你們的祝福, 為波子打氣, 我同波子都會加油的..

:) 加油呀

妹妹都係病人之一 =.= 不過我想她的病情無惡化 加油亞 波子妹 (^.^)

請問DR GRACE 是在那裡? 收費大慨係幾多?

天后寵物醫院

李純一  獸醫 (Dr. Grace Li)

 

香港英皇道41號維順閣B舖地下 (由清風街入)

Tel: 21042000

 

至於收費真係好難話準俾你聽, 因為每個症所開ge葯同接受ge治療都唔同, 所以好難有個標準, 不過佢收費同一般中價獸醫差不多

波子加油呀, 我年多前見flora的妹妹都係唔太郁的...家陣玩da bird都得架~~~ 加油加油!!!!:)

THKS呀, 波子呢輪都好好, 佢好活潑, 日日都玩得好開心, 佢有進步我真係好安慰.... 希望佢可以KEEP住呢個狀態啦

波子的幸福来自有个好妈妈~~:)

我只係盡我做媽媽既責任, 子女快樂健康, 我就滿足喇.. :$

波子要加油呀!!!!!!!!

祝波子身體健康! 幸福快樂! :loveliness:

波子加油...umum,...見到貓貓由唔舒服到識洩...個心反而會開心好多... 波子要做運動等自己強壯d...等你媽咪勁追你呵呵

引用:

原帖由 rhoda_lohas 於 2008-6-15 17:19 發表 波子加油...umum,...見到貓貓由唔舒服到識洩...個心反而會開心好多... 波子要做運動等自己強壯d...等你媽咪勁追你呵呵

我而家都成日追佢, 佢都跑得好快呢..

:D 有時有d野好得意..當佢好洩個時我反而覺得好開心 起碼我知道佢呢一刻想我抱想我同佢玩而唔係唔舒服訓向度...你要加油呀!!

波子~你真係好叻女!!加油丫!!祝健康快樂！