2008年6 月28日
今日帶波子返去Dr Grace度打骨膠原針... o的助護姐姐哥哥同Dr Grace見到波子第一句都話?波子大隻o左o的o番?... 跟住同佢磅重, 果然重o左呢， 有1.92kg, 比上次1.76kg又重o左啦.. 說到她的體型, Dr Grace笑說波子是Ｍｉｎｉ， 是有點輕。 話說回來， 她是Ｍｉｎｉ也好的， 起碼她的腳仔既負苛可以少很多。。 今次亦順便問埋Dr Grace波子應幾時再做針灸.. 上次針灸(5月3日)至今差不多2個月了, 但波子的活動能力還很不錯, 她每天都還跟哥哥一齊玩跑步, 又跳上窗台及大貓樹.. 每天都好開心呢.. Dr Grace聽到波子跳到咁高都好驚訝.. 同埋佢話波子看來對於療程好接受， 有好好既反應。佢話, 波子做的療程跟一般既不同, 佢要麻醉後才做藥物針灸, 而麻碎藥始終唔好常用, 故她希望我繼續觀察住波子既情況, 到發現波子既腳仔開始痛時才回去做針灸. 另外, Dr Grace亦說波子既其他狀況都很好, 毛既色澤都好靚， 健康情況唔錯, 希望佢在發育完成後, 情況可以穩定下來.. 因為波子還在發育中, 她的骨骼亦在生長中, 情況可能會變得好些也未定。 聽到Dr Grace咁講我都好安慰。 波子不斷咁有進步， 我真係未有想過的， 這又一次証明當初決定嘗試係o岩既， 我諗波子知道媽媽既想法， 好乖o甘一齊努力，當然亦多得Ｄｒ Ｇｒａｃｅ既幫助。
希望各位病友既家長同貓貓都努力， 加油。。 當然， 往後既路還很漫長， 我o地都一齊努力向前。。。 
