2008年2月15日波波第三次見Dr. Michael，第一次07年5月做了full test診斷出波波的小心臟有問題；07年8月第二次見Dr. Michael說進展不錯；由於事隔已九個月，覆診時我便問Dr. Michael是否需要再做full test?......遇到好的獸醫，任何事也會從動物的必需去設想。
以下係我和Dr. Michael的部份對話。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Dr. Michael: 聽完心臟睇過血管的情況(是剃了在頸下的毛去看血管的跳動，不需要特別儀器)，期間波波的表現(umm.....唔讚得，唔讚得)。
心臟既雜聲多左，雜聲我地會用1-6去做指標，第一次聽波波心臟係3.5，今日聽完我會比去到4.5，情況係差左，而血管泵血既情況係ok。
Phoebe: 咁要唔要再做full test?
Dr. Michael: 我既comment係唔需要做既，做左full test只係多左的相片同埋的數字咁，其實做左一次我地已經知道波波心臟既問題，我認為現時無需要多花錢去做，除非出現情況變差既病徵，如果呼吸急速又或者發現她經常用口去呼吸咁。
因為波波心臟既雜聲多左，除左食開既Apo-piltiaz，我會幫佢試加多一隻藥Fortekor 5，呢隻藥係幫助血管擴張既，咁個心就唔使用咁大力去泵血，但呢隻藥會有5%既機會令貓/狗既腎功能變差，咁我地今日同波波做個full blood test(測肝腎及其他身體機能既)，如果驗血結果ok就開始加新藥，過五日再返黎驗血(到時只需要驗肝腎機能)，冇副作用既就可以長期用藥。
Phoebe: ok咁波波驗血啦，驗血結果幾時會知?
Michael: 驗血我地即刻做既，你同波波係出面等一陣就得。
(跟住Dr. Michael就用佢好純熟既手勢同波波抽左血，波波的表現umm.....唔讚得，唔讚得。我地亦都係等左10分鐘左右就有驗血結果)
Michael: Good news, 波波既驗血結果都係响normal既範圍，至少我地知道波波既身體機能令人滿意。咁試加隻藥，過五日再返黎驗血。(umm.....結果 唔讚得，唔讚得~~~呢句都係我話既)
Long term黎講都係個句，心臟既問題我地唔可以治癒，可以做既係希望用藥去延緩變差既時間，期間如果一切正常波波可以6個月後再覆診，或者你唔希望隔咁長時間既，咁3個月之後黎覆診亦可以，當然如果你發現波波有不尋常的情況就要盡快帶她來。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
時間過得很快，下個月(8月)波波又會再次覆診，個心情好芧盾，既懊惱那些胡亂繁殖既breeder，令小朋友無辜受苦，但要不是這樣我又沒理由會遇上這個小可愛。事實如此，我們便一同努力吧！
